Naomi Campbell ka thënë se ditët e saj të argëtimeve nëpër ndeja të ndryshme tashmë kanë përfunduar.
Supermodelja po ashtu ka thënë për revistën “In Touch” se ajo kishte pasur kohë kur nuk e kishte pëlqyer vetveten.

“Të jem e sinqertë ka pasur kohë kur kam menduar se nuk do të mbijetoj. Koha në mes të viteve 1998 dhe 2005 ishte veçanërisht e keqe. Gjatë kësaj kohe kam shmangur të shikoj veten në pasqyrë, pasi nuk e kam pëlqyer personin që shikonte në mua”.

“Isha mësuar të kem shumë probleme. Mes tjerash kam pirë shumë alkool andaj i jam bashkuar shoqatës Alcoholics Anonymous për të hequr dorë nga kjo. Tash jam rritur. I kam dhënë fund maltretimit të vetvetes. Dua të kem një jetë të qetë. Kam përfunduar me argëtimet nëpër ndeja”, ka thënë supermodelja.