Fansat e Adelina Ismailit kanë reaguar në lidhje me, siç thonë, manipulimin e votës së tyre në Festivalin “Netët e klipit shqiptar” në favor të këngëtares Era Rusi, të cilën ky festival e shpalli fituese para Adelinës, e cila tetë javë rresht kishte qëndruar në vendin e parë me diferencë bindëse para konkurruesve të tjerë.
“Ne fansat e Adelina Ismailit me natën e 30 majit ishim dëshmitarë, kur tre minuta para mbylljes së votimit të publikuar në ‘web-site-in’ e Festivalit ‘Netët e klipit shqiptar’, u ndryshuan votat, dhe nga fitorja e bindshme e Çmimit të Publikut me 30% të votave në favor të Adelina Ismailit, tre minuta para mbylljes së votimit, votat u ndërruan në favor të një këngëtareje tjetër duke manipuluar votën tonë”, thuhet në reagimin e fansave.

Sipas reagimit të publikuar në faqen divaadelina, fansat kërkojnë që organizatori Petrit Bozo të kërkojë falje dhe të vendosë çmimin “në duart e asaj që u votua”- Adelina Ismailit, duke qenë se fansat nga të gjitha trojet shqiptare dhe diaspora ndjehen të manipuluar dhe të ofenduar nga ky veprim i drejtuesve të festivalit.

Më poshtë lista e shpallur në faqen e Festivalit “Netët e klipit shqiptar”:

1. 20.37% Era Rusi
2. 18.87% Adelina Ismajli
3. 14.70% Zig Zag Orchestra
4. 13.49% Fortesa Sopi
5. 6.81% Genta Ismajli
6. 3.26% Voltan Prodani
7. 2.98% Imorteel ft. 2po2
8. 2.13% Ervin Bushati
9. 2.02% Megi Laska
10. 1.94% Leonora Jakupi
11. 1.50% Noizi & Rozi
12. 1.39% Shpat Kasapi
13. 0.94% Leonora Jakupi
14. 0.93% Marjola
15. 0.83% Blero

Vota Totale: 18.119