SHBA-të mbështesin dialogun Serbi-Kosovë rreth çështjeve praktike, që ende janë të hapura, mirëpo çështja e pavarësisë territoriale të Kosovës është punë e kryer, ka deklaruar ambasadorja amerikane në Beograd, Mary Warlick.
Warlick ka thënë për mediat serbe se SHBA-të mbështesin Serbinë në rrugën e saj drejt Bashkimit Evropian, dhe këtë po e dëshmojnë me ndihmën e vazhdueshme që po i ofrojnë Serbisë.

Megjithatë, e pyetur nëse mund të vije deri të ripërtëritja e bisedimeve për statusin e Kosovës, Warlick ka thënë se, mund të bisedohet për çështje praktike në Kosovë, siç janë rryma, gjyqësia, doganat, telefonia, përmirësimi i kualitetit të jetesës – mirëpo kur bëhet fjalë për statusin, ajo ka potencuar se, aty nuk mund të ndryshojë asgjë – sepse Kosova është e pavarur.