Gjendja aktuale në Kosovë, Maqedoni dhe rajon, zhvillimet që kanë të bëjnë me pozitën e shqiptarëve në Maqedoni dhe çështje tjera me interes, ishin temë e bisedimeve në takimin mes zëvendëskryeministri të Kosovës, Hajredin Kuçi, dhe kreut të Demokracsë së Re, Imer Selmani.
Kuçi riafirmoi qëndrimin e Qeverisë së Kosovës për mbështetjen e plotë të avancimit të pozitës së shqiptarëve në Maqedoni, duke theksuar se implementimi i plotë i Marrëveshjes së Ohrit është më se i domosdoshëm për të gjithë qytetarët e Maqedonisë.

Nga ana e tij, kryetari i DR-së, Imer Selmani, shprehu mirënjohje për Qeverinë dhe për të gjitha institucionet e Kosovës për rolin e pakontestueshëm në procesin e avancimit të pozitës së shqiptarëve në Maqedoni dhe theksoi se ky proces është në interes të paqes, të stabilitetit dhe të bashkëpunimit rajonal.

Në këtë kuadër, ndërtimi i raporteve të fqinjësisë së mirë, mes Kosovës dhe Maqedonisë, është edhe në interes të shqiptarëve në Maqedoni, u shpreh Selmani në takim. /Telegrafi/

po normal qe jon ne interes see toni un nuk foli hiq as me bruneten e as me dioren ahuahuahuaauhauhaha hjg