Shpat Deda ka promovuar albumin e tij të parë që mban titullin e videoklipit të tij më të fundit, “Molla e parë”.
Albumi përmban 11 këngë, ndërsa promovimi i tij është bërë të mërkurën mbrëma në Prishtinë përmes një koncerti gjatë të cilit janë kënduar këngët përbërëse të albumit.

“Kam shumë emocion dhe po ndihem shumë mirë, sepse bash ky moment është ai për të cilin kemi punuar për katër vjet. Njerëzit sot po i shoh me albume në dorë dhe shpresoj që kanë me ndëgju. Albumi shënon një rritje time, edhe emocionale, edhe shpirtërore të këtyre katër vjetëve, dhe është një dëshmi e udhëtimit që e kam përjetuar gjatë kësaj periudhe”, ka thënë këngëtari.