Branko Laloviq nga Nikshiqi ka fituar
titullin e “dhëndrit më të mirë” në Mal të Zi, në garën ku kandidatët
janë propozuar nga vjehrrat e tyre, ndërsa juria përbëhej nga zonjat.

Laloviq, me titullin e dhëndrit më të mirë, ka fituar edhe çmimin
prej 200 euro, ndërsa vendi i dytë është shpërblyer me një fshesë
elektrike. Vendi i tretë ka fituar pushimin falas në një fshat turistik.


Laloviq para jurisë tha se pajtohet “në mënyrë fenomenale” me
vjehrrën, se i kushton kohën e lirë asaj dhe del me të në shëtitje, si
dhe do t’i dhurojë asaj çmimin në të holla prej 200 euro.

Është
interesant, se gjatë përgatitjeve për këtë manifestim të pazakonshëm,
janë paraqitur disa qindra kandidatë, por në garë kishin ardhur vetëm
njëzet.