Cameron Diaz pëlqen që është në gjendje të vishet dhe të luajë karaktere të ndryshme dhe beson se karriera e saj është ‘një aventurë’.

Aktorja e filmit “Knight and Day”, e cila për të parën herë bëri famë në filmin “The Mask” me Jim Carrey, thotë se ajo e pëlqen ‘aventurën’ e të qenit në gjendje të luajë role të ndryshme.

“E dini se çfarë është mrekulli në këtë punë? Mund të bëhesh tullace për një ditë. Mund të kesh një partner për një ditë. Mund të ngjitesh në pjesën e pasme të motoçikletës për një ditë. Më pëlqen kjo, që mund të jem dikush tjetër për një periudhë të caktuar kohore. Kush nuk do të dëshironte të ketë këtë lloj aventure në jetë?”, ka thënë Diaz.