Grupi i njohur kosovar “Kthjellu” debuton në MTV më këngën e tyre më të re “Tonight is your night”.

Kënga është prezantuar në mbrëmjen e organizuar nga MTV me temën “Join the fight to End Trafficking and Exploitation” (Bashkohu në luftën kundër trafikimit dhe shfrytëzimit) në Prishtinë.

Kjo është hera e parë që kënga e një grupi mbarëshqiptar prezantohet në kanalin prestigjioz MTV. Kënga i dedikohet luftës kundër trafikimit dhe shfrytëzimit dhe do të pasojë grupet “Radiohead” dhe “The Killers” të cilët kontribuuan në këtë fushatë kundër skllavërisë moderne.

“Tonight is your Night”, quhet kënga me të cilën “Kthjellu” do të paraqiten për publikun e MTV-së dhe MTV EXIT në të gjithë botën.