Kaliforni, 7 korrik - Një e ve e moshuar amerikane ka jetuar me kufomën e bashkëshortit të saj për më shumë se një dekadë, pasi që ajo e “kishte të vështirë” të pranonte vdekjen e tij.

Jean Stevens (91), gjithashtu ndau shtëpinë me kufomën e motrës së saj binjake, e cila vdiq vitin e kaluar.

Stevens tha se dëshironte të ribashkohej me James Stevensin, burrin e saj që vdiq në vitin 1999, dhe June Stevens, motrën e saj që vdiq tetorin e kaluar. Por, trupat e tyre janë larguar nga kryehetuesi i qarkut Bradford, transmeton gazeta britanike “Telegraph”.