Cony Island, 6 korrik - Amerikani Joey Chestnut (26) ka fituar për herën e katërt me radhë në garën popullore të ngrënies së hot dog-ëve, dhe këtë herë fitoi titullin, pasi që për dhjetë minuta arriti të hajë 54 hot dog, 9 më shumë se konkurrenti i dytë.

Kampioni i ri-i vjetër pas garës tha se arriti rezultat shumë të keq për shkak të nxehtësisë së madhe, e cila rriti në 35 shkallë celsius.

Në fakt, vitin e kaluar Chestnut shënoi rezultatin rekord me 68 virshlle të ngrëna për 10 minuta. Si kampion, mori 30 mijë dollarë, njoftojnë agjencitë.

Gara për ngrënien e shpejtë të hot dog-ëve mbahet në Cony Island që nga viti 1916 dhe deri tani është anuluar vetëm dy herë, më 1941 si shenjë proteste për luftën në Evropë dhe më 1971 për shkak të trazirave civile në Amerikë.