Los Angeles, 9 korrik – Aktori i njohur Mel Gibson po hetohet për pretendimet e dhunës në familje, ka konfirmuar policia e Los Angeles.

Siç raporton BBC, policia njoftoi se hetimet kanë filluar pas intervistës me ish-të dashurën e aktorit, Oksanka Grigorieva.

Por, zëdhënësi i policisë Steve Whitmore refuzoi të jap ndonjë detaj tjetër, duke thënë se hetimet janë në fazat e para.

Fituesi i Oscarit dhe Grigorieva janë të përfshirë në rastin e kujdestarisë për vajzën e tyre tetëmuajshe Lucia.