Këngëtarja skoceze Susan Boyle po kërkon një këngëtar anonim me të cilin dëshiron të xhirojë një duet për albumin “The Gift”.

Xhirimet e këngës “Silent Night” do të vendosen në ueb sajtin e Susan Boyle (www.susanboylemusic.com), si dhe në ueb sajtin YouTube. Paraqitja do të zgjasë deri më 23 korrik, ndërsa emri i fituesit do të dihet më 26 korrik.

Susan Boyle vitin e kaluar ka bërë sensacion brenda natës, kur në emisionin “Britania ka talent” këndoi këngën “I Dreamed A Dream”. Incizimi i kësaj performance është shikuar me miliona herë. Albumi i saj debutues është shitur në nëntë milionë ekzemplarë.

“Kjo për mua ishte një dhuratë e vërtetë dhe tash dëshiroj që t’i falë talentin dikujt tjetër”, ka thënë ajo.