Hagë, 11 korrik - Supermodelja Naomi Campbell ka konfirmur se do të dëshmojë në gjyqin për krime të luftës të ish-presidentit të Liberisë, Charles Taylor.

Taylor është akuzuar nga Gjykata e OKB-së në Hagë për përdorimin e diamanteve për nxitjen e konfliktit në Siera Leone, që shkaktoi vdekjen e dhjetëra mijërave personave.
Prokurorët kanë ftuar Campbellin që të dëshmojë për raportet se ajo ka marrë diamante nga Taylori në vitin 1997.

Campbell do të dëshmojë më 29 korrik, njofton BBC.