Siena, 18 korrik - Dje ka qenë një ditë e madhe për lojtarin holandez Wesley Sneijder, i cili çoi në altar bukuroshen Yolanthe Cabau.
Martesa u celebrua në kishën toskane të “Santi Giusto e Clemente” dhe më pas të ftuarit kaluan disa orë të këndshme në rezidencën Castelnuovo Berardenga. Nusja erdhi në kishë me një karrocë të tërhequr nga 4 kuaj të bardhë, ndërsa dhëndri me një makinë klasike.

Mesfushori holandez ka bërë një zgjedhje kurajoze pasi kishte zgjedhur një kostum të kaltër stil i viteve ’70. Mungonte në këtë ceremoni presidenti i Interit, Massimo Moratti, i cili është shumë i zënë me punë në këtë periudhë.