Londër, 19 korrik - Më në fund zbulohet misteri mbi nënën e fëmijës së Ronaldos, e cila është një kamariere amerikane. Lajmi bëhet i ditur nga e përditshmja britanike “Sunday Mirror”. Ylli portugez ishte njohur me kamerieren vitin e kaluar në një restorant në Los Angeles dhe lajmi është përhapur nga një mik i vetë Ronaldos i cili ka deklaruar për Sunday Mirror se ishte i sigurt që vajza dhe Ronaldo nuk do të takoheshin më përveç asaj nate, dhe ai vazhdon që ajo ishte një si gjithë të tjerat për Ronaldon.

Portugezi pas lindjes së foshnjës kërkoi nënshtrimin e testeve të ADN-së për të verifikuar atësinë. Testimi u realizua në kohën kur lojtari i Real Madrid ndodhej ende me kombëtaren e tij në Botërorin e Afrikës së Jugut. Ronaldo edhe pse është një play-boy i krimbur me para kur bëhet fjalë për familjen ai është një burrë tradicional, i cili rrjedh nga një familje besimtare katolike dhe sapo mori vesh për ekzistencën e fëmijës së tij ai mori menjëherë përgjegjësinë dhe po mundohet të jetë një baba i shembullor për fëmijën e tij, transmeton Ballkanweb.