Monako, 22 korrik - Në 8 korrik të vitit 2011 princi i Monakos Alberto II do të martohet me të dashurën e tij Charlene Wittstock, ndërsa ceremonia festive do të zhvillohet një ditë më vonë.
Në moshën 52-vjeçare një prej playboy-ve më në zë të botës, duket se po vendos rregull në jetën e tij, njofton Top Channel.

Çifti njihet prej 10 vitesh, në një garë noti, por për herë të parë u panë bashkë në vitin 2006.

Princi lindi në 14 mars të vitit 1958 dhe është djali i princit Ranieri III dhe princeshës Grace Kelly. Charlene Wittstock është me origjinë afrikano-jugore dhe ka lindur në 25 janar në Bulawayo.