Aktorja Teuta Krasniqi dhe këngëtari Blero do ta kurorëzojnë dashurinë e tyre në martesë ditën e dielë, 12 shtator. Ceremonia e martesës do të zhvillohet në Hotelin “Amazona”, që ndodhet në autostradën Prishtinë-Mitrovicë. Teuta Krasniqi ka raportuar për mediat kosovare se dasma është organizuar nga Grand Decor dhe se gjithçka deri tani ka shkuar siç ajo e ka planifikuar. Në dasmën e çiftit pritet të jenë rreth 300 mysafirë, ndërsa për argëtimin e tyre do të përkujdeset grupi “Latino Band” dhe këngëtari i njohur Labinot Tahiri.