Këngëtarja e njohur nga Kosova, Jehona Sopi, ka përfunduar realizimin e duetit me këngëtaren nga Shqipëria Besa Kokëdhima.

Jehona që kohë më parë kishte paralajmëruar për një duet me Besën, ndërsa ato tashmë e kanë përfunduar atë dhe madje kanë realizuar edhe videoklipin e këngës, transmeton Telegrafi.

“Kënga titullohet ‘Nuk jam ajo’ dhe është e orkestruar nga Enis Presheva, me tekst të Big Basta dhe realizimi i videoklipit është bërë nga produksioni Entermedia”, ka treguar këngëtarja Jehona Sopi për Telegrafi.com.
Jehona po ashtu ka zbuluar se nga sot kënga do të mund të dëgjohet në televizionet shqiptare.