Në kuadër të planeve për dërgimin e njeriut në Hënë deri në vitin 2020, Kina ka lansuar të premten sondën e vet të dytë lunare Çang’e-2.

Sonda është lansuar sipas planit, tre sekonda para orës 19.00 sipas kohës lokale, ose 13.00 sipas kohës së Evropës qendrore nga baza kozmike Siçang në provincën Seçuan në jugperëndim të vendit, kanë bërë të ditur mediat shtetërore kineze.

Televizioni nacional kinez ka shfaqur pamje nga lansimi dhe fluturimi i sondës mbi bazën Siçang.

Lansimi i sondës Çang’e-2 përputhet me ditën e shënimit të 61-vjetorit të themelimit të Republikës Popullore të Kinës.