[You must be registered and logged in to see this image.]


Autoritetet norvegjeze dëbuan të shtunën rreth 80 imigrantë të paligjshëm serbë, të cilëve iu ishin refuzuar kërkesat për azil.

Lajmi është bërë i ditur nga shërbimet e imigracionit të policisë norvegjeze, sipas të cilave këto dëbime u bënë në kuadër të një marrëveshjeje mes Oslos dhe Beogradit që hyri në fuqi këtë verë.

“Dëbimet e para u zhvilluan më 3 korrik, të dytat më 11 shtator dhe të tretat u zhvilluan sot”, ka thënë zëdhënësi i shërbimeve të imigracionit, Roar Hansen, sipas të cilit rreth 230 serbë, shumica nga Kosova u dërguan nga Oslo në Beograd.

“Shumica e këtyre personave të dëbuar, mes të cilëve familje dhe fëmijë jetonin në mënyrë të paligjshme në Norvegji që prej refuzimit të kërkesës së tyre për azil”, nënvizoi zëdhënësi i policisë.