Fansat e Taylor Swift do të nderohen nga princesha e tyre e muzikës në ditëlindjen e tyre, pasi ajo është duke dizajnuar një linjë të kartolinave.
Krijuesja e hitit “Love Story” është bashkuar me kompaninë “American Greetings” për të krijuar një linjë që përfshin edhe pako dhuratash, kartolina dhe produkte tjera për vendosje të fotografive dhe zbukurimeve.

“Ideja ime për një këngë të shkëlqyeshme është kënga e cila tregon se si ndjehem më mirë se sa do të mundja. Ndjej të njëjtën gjë edhe për kartolinat”.

“Gjithmonë kam qenë e fascinuar nga ndjenjat dhe se si t’ua shpreh atë të tjerëve. T’i shkruaj dhe dizajnoj ato, ka qenë një përvojë e shkëlqyeshme”, ka thënë këngëtarja.

Kartolinat e Taylor Swift do të jenë në treg që nga viti i ardhshëm