Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Dasma e Edi Rames mes 800 te ftuarve Tue Oct 26, 2010 11:36 pm | |
|  Unaza është simbol i lirisë dhe i dashurisë”. Me këto fjalë regjisorja shqiptaro–franceze Liri Begeja, ka pagëzuar martesën e Edi Ramës me Linda Bashën. Një moment i veçantë në jetën e çdo njeriu dhe që nën okelion e këtyre fjalëve të zgjedhura i kanë dhënë një kuptim të thellë lidhjes së kreut të Partisë Socialiste me bashkëshorten e tij të re. Liria dhe dashuria, formalisht dy antinomi në jetën e një njeriu, janë ngjizur si epigraf në fatin që dje bashkoi njeriun kryesor të Partisë Socialiste me qytetaren dhe studiuesen nga Tirana.
Ceremonia
800 pjesëmarrës të zgjedhur nga të afërmit, politika, diplomacia dhe media kanë ndaluar dje pasdite afër Pallatit të Brigadave për t’iu drejtuar bar-restorant “Xibrakut”, ku ishte parashikuar zhvillimi i koktejit miqësor. Edhe pse në pamje të jashtme ka qenë një ceremoni e thjeshtë, numri i të ftuarve, si dhe statusi i tyre padyshim që e kanë transformuar dasmën në një aktivitet “VIP”. Thuajse të gjithë ambasadorët kryesorë në Tiranë, Presidenti Bamir Topi, deputetët e Partisë Socialiste, përfaqësuesit e fraksionit të shkëputur të Lëvizjes Socialiste për Integrim, si dhe kanë qenë disa nga të ftuarit e veçantë në një ngjarje që nuk mund të ruajë mëvetësinë e spektaklit privat. Po kështu, mirësjellja dhe kortezia ka sjellë dje edhe një dhuratë nga Kryeministri Sali Berisha dhe bashkëshortja e tij, një tufë me lule për çiftin e ri. Por “koalicioni” qeverisës, përveç xhentilesës, ka dhuruar surprizën e vet, që edhe njëherë ka marrë jetë nga zv.ministri i Turizmit, Nikollë Lesi. “I dhurova 100 trëndafila të kuq dhe 1 blu”, është shprehur politikani dhe publicisti i njohur, që nuk ka munguar të plotësojë atmosferën me humorin e vet. Në këtë mjedis miqësor të krijuar nga personazhet e njohura të jetës publike shqiptare, ka qenë vetë dhëndri që i ka prezantuar bashkëshortes të ftuarit e veçantë. Fjalën e rastit e ka mbajtur i vëllai i kreut socialist, Olsi Rama, prezent në ceremoni, sikurse edhe pjesa tjetër e familjes, si djali Gregori dhe vajza e Linda Bashës, Rea.
Ftesë për gazetarët, por jo për median
Nuk janë lënë jashtë vëmendjes në këtë ngjarje edhe njerëz të medias dhe shtypit të shkruar, reporterë, kryeredaktorë, redaktorë apo edhe drejtues të saj. I njohur në përgjithësi për marrëdhëniet e vështira me gazetarët dhe për një raport gërricës me median në tërësi, Rama ka anashkaluar “përditshmërinë” për të respektuar miqtë e përhershëm të selisë që ai drejton. Përkundrejt këtij respekti personal, ceremonia ka ndjekur rigorozisht kërkesën për privatësi, duke i mbajtur në distancë kamerat e televizioneve në përpjekjen e tyre për të thyer censurën e imazheve nga brenda sallës. Politikanë, gazetarë, diplomatë dhe familjarë, ky ka qenë realiteti njerëzor i ceremonisë së djeshme, e cila, pavarësisht dëshirës së çiftit për të mbetur e mbyllur në thjeshtësinë e një ngjarjeje private, i është dhënë publikut me vëmendjen dhe këqyrjen kirurgjikale të medias shqiptare, e cila kësaj here ka marrë përgëzime nga vetë kreu socialist, shpesh i pakënaqur me cilësinë e saj.
|
|
