lola Përgjegjës b> font> i Forumit b> font>
Numri i postimeve : 29035 Data regjis. : 05/11/2009 Age : 34 Location : ɐuɐɥǝıןןʎ ɐןןɐɥɐɯ ǝʇ :)
| Titulli: Xhemi Shehu, mbreme dasma e “blinduar” Tue Sep 07, 2010 6:07 pm | |
| Gjithçka e kishte porositur me kujdes, që të shfaqej ekzaktësisht si një princeshë e paprekshme, që hyn në një godinë të fortifikuar, në një natë shtatori të vitit 2010. Prezantuesja e njohur e “Top Channel”, Xhemi Shehu, është veshur mbrëmë me të bardha në ceremoninë e dasmës së saj, duke i dhënë kështu fund beqarisë në moshën 27-vjeçare. Një mbrëmje pa shumë zhurmë dhe shumë e izoluar për mediat, duke e bërë të pamundur fotografimin natën të së premtes në restorant “Xibraku” në Tiranë, ku Xhemi ka organizuar ceremoninë e saj të martesës, që filloi fiks në orën 20:00. Duket pak e tepërt kjo mani e personazheve të njohur të ekranit, që organizojnë ceremonitë e martesës në siguri të lartë, sikur të ishin yje të “Hollivood”-it, ndërkohë që të gjithë do të ishin kuriozë të shihnin detaje nga një dasmë VIP. Në darkën më 200 të ftuar Xhemi ka hyrë pak pas orës 21:00, ndërkohë që salla e dekoruar nga miqtë e saj Ami dhe Ermal Mamaqi ishte ideuar nga vetë ajo, gjithçka e bardhë si në përrallë. Xhemi hyri e fundit, e veshur me një fustan në të bardhën e dëborës, ndërsa shoqërohej nga dy truproja, që nuk lejuan të shkrepej asnjë aparat fotografik në momentin që ajo ngjiti shkallët për të hyrë në sallën e ceremonive te “Xibraku”. Ka qenë një ceremoni tradicionale në këtë dasmë me familjarët, farefisin, ndërsa ka munguar dhëndri, biznesmeni Ervis Sula, pasi ashtu siç është në traditën e dasmave shqiptare, dhëndri nuk duhet të jetë në darkën e nuses. Xhemi u kishte rezervuar një surprizë të ftuarve, pasi ndërkohë që të gjithë prisnin të hynte nga hyrja jashtë, ajo ka zbritur nga shkallët e brendshme të “Xibrakut”, pasi ndodhej në ambientet e hotelit, ku kishte hyrë shumë më parë se të ftuarit të mbërrinin në lokal. Në këtë ceremoni ishin pothuaj të gjithë kolegët e saj më të afërt të “Top channel”, mes të cilëve Adi Krasta, Alessia, Arbana Osmani, Albana Osmani, Ledion Liço, këngëtarët e orkestrës së “Top Shoë-t”, si dhe disa aktorë të spektaklit të humorit “Portokalli”, si Florian Binaj, Ervina Kotolloshi, Salsano Rrapi, etj. Të ftuarit të veshur me shumë klas, dukej që ishin të përgatitur për një dasmë me dyer të mbyllura dhe pa shumë zhurmë. Shumë pak prej tyre kishin në duar lule, ndërsa pjesa më e madhe e të ftuarve kishin ardhur me dhurata nga më të ndryshmet në duar. Ata i ka pritur një nuse aspak e pikëlluar, por e qeshur si Xhemi në ceremoninë e organizuar nga “Ami event” deri në detajet më të vogla. Dekorimi, fustani, torta, konfetat, lulet, bizhutë dhe ftesat që Xhemi u shpërndau miqve të ftuar ishin përgatitur të gjithë nga Ami, mikesha e saj. Dasma e dhëndrit të dielën, më pas muaj mjalti në Amerikë Ndërkohë që Elvis Sula do të organizojë ceremoninë e tij të dasmës në Hotel “Sheraton” të dielën në mbrëmje, edhe pse ende nuk dihet saktë sa do të jetë numri i të ftuarve. Xhemi do të ngjitet në altar, duke e celebruar kështu lidhjen katërvjeçare me bashkëshortin e saj të ardhshëm, administrator i një shtypshkronje në Tiranë. Ata kanë menduar që pas natës së të dielës të nisen drejt Shteteve të Bashkuara të Amerikës, për të shijuar muajin e mjaltit në Karaibe. Pas kthimit në Tiranë, ata do të nisin jetën e re si të martuar në shtëpinë e tyre të sapopërfunduar, një apartament luksoz në Tiranë. Xhemi dhe Visi u lidhën katër vite më parë, por gjithmonë janë ruajtur ta mbajnë larg mediave këtë lidhje. Komentet e saj për lidhjen me Visin ishin paralelisht me rikthimin e saj në ekranin e “Top Channel” përkrah Adi Krastës në programin “E diell”. |
|