Këngëtari Valton Krasniqi edhe një herë ia ka dal mbanë që kënga e tij të transmetohet në kanalet prestigjioze muzikore siç janë “VIVA” dhe “MTV”.

Ka vetëm katër ditë që kënga me titull “Did you know” është duke u renditur në top listat e huaja përkrah emrave të njohur siç janë: Lady Gaga, Shakira, Usher, Pitbull etj, njofton e përditshmja “Kosova Sot”.

Ndërsa mediat zvicerane shkruajnë këto ditë për shqiptarin e vetëm, i cili me këngët e tij po pëlqehet shumë nga masa e madhe që jetojnë në këtë vend.

Valtoni ka thënë se ndihet shumë i lumtur që kënga e tij është duke u dëgjuar jo vetëm në Zvicër, por edhe në Gjermani, Austri dhe përmes internetit edhe në tërë botën, falë “iTunes” që mund të shkarkohet shumë lehtë.