Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Shqiptarët e Mitrovicës më optimist se serbët Fri Nov 19, 2010 11:07 pm | |
|  Programi i Kombeve të Bashkuara për Zhvillim (UNDP) lansoi të premten rezultatet e anketës së zhvilluar në Mitrovicë lidhur me kushtet e jetës së përditshme, ndërsa shumica e të anketuarve e shohin situatën e ngecjes ekonomike, papunësinë dhe korrupsionin si problemet kryesore me të cilat ballafaqohet Kosova.
Kjo anketë pasqyron pikëpamjet e të gjitha grupeve etnike lidhur me situatën ekonomike dhe politike, mirëqenien, qeverisjen komunale, pjesëmarrjen qytetare, decentralizimin dhe besimin në organizatat e sigurisë.
“Problemet më të rëndësishme me të cilat ballafaqohet komuna për shumicën e të anketuarve janë papunësia dhe situata ekonomike në vend. Po ashtu, të anketuarit identifikojnë tri çështje të njëjta të cilat i prekin ata më së shumti në nivelin personal: papunësia, situata ekonomike dhe krimi”.
Megjithatë, thuhet se është një ndryshim etnik në nivelin e optimizmit ndërmjet respondentëve. Respondentët e grupeve etnike, serbë të Kosovës dhe etnitë e tjera në Kosovë janë shumë më pak optimistë krahasuar me respondentët shqiptarë të Kosovës.
Respondentët i perceptojnë përfaqësuesit komunalë si deri diku të përgjegjshëm në opinionet dhe interesimet e qytetarëve. Të dhënat tregojnë se në përgjithësi, respondentët e shohin qeverinë komunale deri diku të besueshme për menaxhimin e fondeve komunale.
Frika zë vend në jetën e shumë prej tyre në Mitrovicën e veriut dhe jugut. Shumica e banorëve shqiptarë dhe serbë ndihen shumë të pasigurt për të kaluar në anën tjetër të lumit Ibër. Respondentët e grupeve të tjera etnike ndihen deri diku më të sigurt kur kalojnë lumin.
Raporti gjithashtu zbulon fakte interesante në lidhje me shqetësimet e njerëzve, perceptimet, dhe gatishmërinë e komuniteteve për të punuar me njëri-tjetrin, si dhe perceptimet e ndryshme të komuniteteve rreth problemeve madhore me të cilat ballafaqohet Mitrovica.
Anketa është bazuar në intervista të drejtpërdrejta me 1000 respondentë.
|
|
