Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Krasniqi nuk duhet të merr pjesë në fushatë Tue Nov 23, 2010 7:42 am | |
|  Lëvizja FOL përmes një komunikate ka kërkuar që presidenti në detyrë i Republikës së Kosovës, Jakup Krasniqi, i cili njëherësh është edhe Sekretar i Përgjithshëm i PDK-së, të mos marrë pjesë në fushatën zgjedhore.
“Konsiderojmë se pjesëmarrja e z. Jakup Krasniqi, u.d. i Presidentit të Republikës në takime elektorale të PDK-së (siç është rasti i fundit në Prizren) përbën potencial për shkelje të Kushtetutës së Republikës, të nenit 82 mbi statusin e Presidentit si dhe nenit 88 pika 2 mbi pa-papajtueshmërinë në ushtrimin e funksioneve të Presidentit”.
Neni 88 në mënyrë të drejtpërdrejtë ndalon ushtrimin e funksioneve në parti politike për Presidentin, dhe duke qenë se z. Krasniqi ushtron postin e presidentit, të njëjtat ndalesa aplikohen edhe për të.
“Në kohën kur në Kosovë kemi u.d. të Presidentit si dhe një Qeveri në dorëheqje konsiderojmë se përfshirja dhe angazhimi në partinë politike i z. Krasniqi cenon stabilitetin politikë dhe vendos precedent të keq të funksionimit demokratik të institucioneve publike në Kosovë”.
“Kërkojmë nga z. Krasniqi që në këtë kohë të vështirë të demonstrojë pjekuri si përfaqësues i institucionit të Presidentit, i cili duhet të jetë simbol i unitetit të popullit”, thuhet në komunikatën e lëvizjes FOL.
Krasniqi mban postin e ushtruesit të presidentit të Republikës, pasi Fatmir Sejdiu u detyrua të jep dorëheqje nga posti i presidentit pikërisht për shkelje të Kushtetutës. Gjykata Kushtetuese kishte konstatuar shkelje serioze të Kushtetutës nga ana e Sjediut, pasi ky i fundit mbante njëkohësisht postin e Presidentit të Republikës dhe atë të kryetarit të partisë (LDK-së).
|
|
