Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Autoritetet ngushëllojnë familjen policit të vrarë Wed Nov 24, 2010 5:31 am | |
|  Autoritetet e Kosovës kanë ngushëlluar të martën familjen e Arben Sejdiut, pjesëtarit të Policisë së Kosovës, të vrarë të hënën në mbrëmje në Grabanicë të Klinës.
Në mesazhin e ngushëllimit të Bajram Rexhepit, ministër i Punëve të Brendshme thuhet se “Me pikëllim të thellë mësova lajmin për vrasjen e djalit tuaj Arben Sejdiu, i cili ishte pjesëtar i Policisë së Kosovës. Ky lajm tragjik jo vetëm që tronditi juve si familja e tij, por edhe të gjitha institucionet e Republikës së Kosovës”.
“Vrasja që ndodhi mbrëmë është shumë e rëndë, dhe është një humbje e madhe jo vetëm për ju familje e nderuar por edhe për qytetin e Klinës dhe për gjithë Kosovën. Policia e Kosovës ka humbur një pjesëtar, i cili punonte me besim për vendin dhe në mbrojtje të rendit dhe ligjit”.
“Ne si Ministri e Punëve të Brendshme, duke përfshirë Policinë e Kosovës, do të bëjmë çmos që kryesi apo kryesit e kësaj vepre të rëndë që privoi nga jeta një pjesëtar të Policisë së Kosovës, të vihet para drejtësisë”.
“Me nderim të thellë, në emër të Ministrisë së Punëve të Brendshme duke përfshirë të gjithë pjesëtarët e Policisë së Kosovës dhe në emrin tim personal i shpreh ngushëllimet më të sinqerta juve familjes së Arbenit”, thuhet në telegramin e ministrit Rexhepi.
Familjen Sejdiu e ka ngushëlluar edhe Reshat Maliqi, drejtor i përgjithshëm i Policisë se Kosovës. “Trimëria, bujaria , devotshmëria dhe veprat e oficerit policor Arben Sejdiu gjithmonë do të jenë udhërrëfim për të gjithë ata që janë në shërbim të popullit. Unë si drejtor i përgjithshëm i Policisë së Kosovës jap zotimin tim që Policia e Kosovës do të bëjë të pamundurën që ky rast të ndriçohet dhe kryesit e kësaj vepre makabre të dërgohen para drejtësisë. Ju lutemi pranoni ngushëllimet e mia më të sinqerta”, thuhet ndër të tjera në telegramin ngushëllues të drejtorit të Policisë.
|
|
