Medina Mikë/e i/e Forum-it
Numri i postimeve : 17104 Data regjis. : 12/11/2009 Age : 34 Location : Tek Parajsa Pa Drita
| Titulli: Thaçi: Do të befasoheni Sun Nov 28, 2010 11:10 pm | |
| Kryeministri në largim Hashim Thaçi në një intervistë për “Kohën Ditore” thotë se në rast se PDK-ja del e para në zgjedhjet e 12 dhjetorit, qeverinë e re ai do ta ndërtojë me njerëz të përgjegjshëm, reformatorë dhe të fuqishëm, të cilët do t’i nxirrte jo vetëm brenda partisë së tij por edhe nga shoqëria civile. “Njerëz të përgjegjshëm, reformatorë, të freskuar dhe shumë të fuqishëm, edhe nga PDK-ja, edhe nga jashtë PDK-së, edhe nga personalitete kredibile publike, nga shoqëria civile, bile do të befasoheni”, thotë kryeministri.
Derisa mandati i parë, të cilit nuk i ka shkuar deri në fund, ka qenë mandat i shpalljes së pavarësisë dhe i sigurimit të njohjeve të shtetit, mandati tjetër, sipas Thaçit, do të jetë mandati i integrimit të vendit në NATO dhe BE.
“Nëse mandati i kaluar ka qenë mandati i Kosovës së pavarur dhe sovrane, i njohjeve nga 72 shtete të botës, i anëtarësimit në Bankën Botërore, në Fondin Monetar Ndërkombëtar, i zhvillimit të Kosovës, i krijimit të vendeve të reja të punës, i rritjes së mirëqenies sociale të qytetarëve, i reformave të thella në legjislacion, në ekonomi, mandati i ardhshëm katër vjeçar i qeverisë së Republikës së Kosovës që do ta udhëheq unë është mandati i integrimit në NATO dhe BE. I siguroj dhe i garantoj të gjithë qytetarët e vendit se vetëm për 15 muajt e parë të qeverisjes së ardhshme që do ta udhëheq do të kemi liberalizim të vizave dhe do të punojmë intensivisht për ta anëtarësuar Kosovën në NATO dhe në BE. Pra, së pari Kosova pastaj prioritetet adekuate”, shprehet Thaçi.
Në këtë intervistë, kreu i PDK-së nuk tregon se me cilën parti do të hynte në bashkëqeverisje, por përjashton mundësinë e krijimit të partneritetit me njerëz që braktisin institucionet. Në pyetjen nëse do të bënte koalicion me “Vetëvendosjen”, kryetari i PDK-së përgjigjet: “Unë do të bëj koalicion me ata njerëz që respektojnë parimet demokratike, atë parti që e respekton vullnetin e popullit të Kosovës, që e fiton mandatin në mënyrë legjitime, që ka një orientim euroatlantik”.
Ai thotë se nuk do të ketë telashe me FMN-në nëse ua rrit rrogat mësimdhënësve, shërbyesve civilë dhe policisë, ndërsa pranon se nuk i ka përmbushur të gjitha premtimet që i ka bërë tre vjet më herët, por arsyetohet se i është shkurtuar për një vit mandati, për shkak të rënies së qeverisë.
Kryetari i PDK-së krenohet me të arriturat në veri, ndonëse nuk e mohon që ajo pjesë ende nuk është integruar si duhet në shtetin e Kosovës. Ai beson se shumë shpejt atje do të hapen gjykatat, e njëkohësisht do të rritet kontrolli doganor. E para së gjithash, është optimist se më 12 dhjetor, qytetarët serbë të asaj ane do t’u drejtohen kutive të votimit për t’i zgjedhur përfaqësuesit e tyre në Kuvendin e Kosovës.
Thaçi shprehet i bindur se PDK-ja me partnerët e vetë, me shoqërinë civile, me biznesin, me gjithë njerëzit e vullnetit të mirë dhe mbështetës të PDK-së, të vizionit tonë shtetformues, më 12 dhjetor do të shënojë një fitore të thellë dhe do të garantojë një mazhorancë të fuqishme në parlamentin e ardhshëm të Kosovës.
|
|