[You must be registered and logged in to see this image.]
Drejtuesit e Real Madridit kanë arritur marrëveshje për një ndeshje miqësore në Shqipëri me biznesmenin e njohur, Rezart Taçi, njoftojnë mediet e huaja.

Madje, sipas Tribalfootball, 9 herë kampioni i Europës për vizitën në Shqipëri do të përfitojë 2 milionë €.

“Ekipi i Real Madridit do të jetë pjesëmarrës në 'Taçi Oil Cup' në Tiranë gjatë muajit dhjetor, ndërsa gjigantët spanjollë do të marrin 2 milionë € për këtë paraqitje”, ka shkruar Tribalfootball.com.

Ndeshja për trofeun e tretë “Taçi Oil” mes Realit te Madridit dhe Gramozit, do të luhet më datën 21 dhjetor “ në orën 19:00, ndërkohë që për të pasur një përfaqësim sa me dinjitoz, ekipi nga Erseka do të përforcohet me futbollistë që luajnë në klubet tjera të Superligës shqiptare.

Presidenti i kompanisë “Taçi Oil”, Rezart Taçi, në dy edicionet e para të kësaj kupe në Tiranë solli gjigantin italian Milan. Për Rossonerët spekulohej se kanë përfituar mbi 1 milion € për takimet në Tiranë.