Ylli i muzikës hip-hop, 50 Cent, është detyruar të ndryshojë planet e tij për një kampanjë të re për seks të sigurt, pasi dizajni i tij i ri për një prezervativ revolucionar ka dështuar të dëshmohet shkencërisht.
Krijuesi i hitit “In Da Club” dëshironte të krijojë linjën e tij të mbrojtësve për të inkurajuar fansat të jenë më të përgjegjshëm në shtrat.

“Shikoja mundësinë për të krijuar një kampanjë të re të seksit të sigurt. ‘Wrap It Up’ është diçka është shfrytëzuar aq shumë, dhe nuk ishte efektive më. Andaj mendova se kjo është një rast i shkëlqyeshëm që unë të përfshihem”, thotë reperi.

“Por kjo nuk funksionoi pasi doja gjëra të cilat nuk do të funksiononin. Doja gjëra të cilat do të zgjasnin aktin seksual. Nuk mundeni vetëm ta vendosni dhe të ecni më tej”, ka shtuar 50.