Ushqimi i rëndë, festat e ndryshme, si edhe lëvizja e zvogëluar mund të sjell deri tek ajo, që më lehtë të trashemi dimrit se sa verës. Për këtë është e rëndësishme që të përmbaheni në tri rregulla themelore, thjesht të emërtuara shifra 505, të cilat i rekomandon dr. Feelgood. Shifra 505 paraqet një koncept të thjeshtë të jetës së shëndoshë i cili do të parandalojë shtimin e kilogramëve, por që do të ndihmojë edhe që ta ruajmë shëndetin, pohon ky mjek.

Rekomandimet se si ta mbajmë trupin në top-formë janë të rëndësishme gjatë tërë vitit, por në dimër shanset siç thamë për shtim të peshës janë më të mëdha, kështu që duhet t’i përmbahemi regjimit të shëndetshëm të jetës, shifrës 505, e cila lehtë deshifrohet dhe mbahet mend. Nëse do t’i përmbaheshit kësaj rregulle, linjën vitale dhe shëndetin e mirë e keni të garantuar jo vetëm gjatë dimrit, por edhe gjatë tërë vitit, potencon dr. Feelgood.

Pesë
Pesëshja e parë nënkupton pesë shujta në ditë-mëngjesi, mes vakti 1, dreka, mes vakti 2 dhe darka, pohon dr Feelgood. Është e rëndësishme që mos ta harroni se shujta e fundit duhet të jetë dy apo dy orë e gjysmë para gjumit. Kur është fjala se si do të duhet të duken vaktet, duhet ta dini se cilat ushqime duhet t’i shmangi. Përpiquni nga ushqimi ta eliminoni sheqerin (ëmbëlsirat, çokollatat, bonbonet etj.), ushqimin e yndyrshëm (mishin dhe qumështin e yndyrshëm), ushqimet me kripë, miellin e bardhë dhe alkoolin.
E dimë edhe vetë se ndalesat strikte nuk janë të mira, kështu që as 1-2 gota me verë të kuqe në ditë nuk janë të ndaluara.

Zero
Zero do të thotë që duhani në tërësi duhet të ndërpritet, dhe në këtë gjë dr. Feelgood nuk lëshon aspak pe. Nuk duhet të sqarojmë se sa është cigarja e dëmshme për shëndetin, por ajo që u është shumë e nevojshme është ta lini, nëse do të dëshironi që edhe trupi juaj të duket bukur.

Pesë
Pesëshja e dytë ka të bëjë me aktivitetin fizik. Forma më e mirë rekreative është ecja. Dr Feelgood rekomandon pesë kilometra në ditë ecje për shëndetin tuaj, çka do të thotë që pas këtij veprimi duhet ta ndjeni punën më të shpejtë të zemrës dhe frymëmarrjes.

Pini së paku dy litra lëngje
Shifra 505 ka të bëjë edhe me sasinë e mjaftueshme të lëngjeve të marra. Dr Feelgood potencon se organizimit të njeriut i janë të nevojshme rreth 2-2.5 litra lëngje në ditë. “Uji ka përparësi dhe për këtë u rekomandojmë që të pini së paku 1-1.5 litra. Përveç ujit, të shëndetshëm janë edhe lëngjet e freskëta të cilat vet do t’i shtrydhni nga frutat, sikur edhe çaji, jogurti më pak i yndyrshëm, 1-2 gota me verë të kuqe në ditë. Është e rëndësishme që të shmangen lëngjet që kanë kripë, ato që përmbajnë yndyrë dhe të gazuarat”, këshillon dr. Feelgood.