Partia e Drejtësisë paralajmëron kthimin e statusit të saj parlamentar dhe në këtë drejtim kërkon përcaktimin sa më të shpejtë të datës së zgjedhjeve të parakohshme parlamentare në funksion të organizimit sa më të mirë të tyre- u tha në një konferencë për media të kësaj partie.
PD propozon që zgjedhjet e parakohshme parlamentare të mbahen në fillim të muajit shkurt, duke pasur parasysh nevojën për periudhën e domosdoshme kohore për konstitutimin e institucioneve të reja të vendit deri në fund të afatit kushtetues të 28 marsit 2011.

Kjo parti ka kërkuar nga Komisioni Qendror Zgjedhor që të ndërmarrë të gjitha masat për parandalimin e parregullsive të rënda “të evidentuara në ditën e zgjedhjeve të fundit lokale të 19 nëntorit 2009, veçanërisht pas mbylljes së vendvotimeve, që ishin shkaktare të pakënaqësisë së thellë dhe numrit të madh të ankesave të shumë subjekteve politike”.