"Mos i humb shpresat nga vetvetja, ne jete do te perballesh me shume pengesa qe te izolojne vullnetin, mos lejo qe te te mposhtin."

Frikësoju vetëm All-llahut dhe dije se një ditë do te japësh llogari para Tij.

Shpesh përmende All-llahun, se Ai është me ata që e përmendin.

Gjithmonë kur takon ndonjë të varfër jepi diçka sado qoftë e vogël dhe përpiqu që këtë ta bësh fshehurazi duke shpresuar në shpërblim më të madh tek All-llahu.

Mos u mbështet në askë pos All-llahut. Dije se Ai ta cakton fatin dhe fatkeqësinë. Lutju që të të ndihmojë, por nëse te gjen ndonjë fatkeqësi, duro.

"Nëse shtypeni, mos shtypni.. Nëse ju tradhëtojnë, mos tradhëtoni.. Nëse ju mohojnë, mos u zemëroni.. Nëse ju lavdërojnë, mos u gëzoni dhe nëse ju qortojnë, mos e humbni durimin!"

Të vërtetën pranoje nga secili dhe ruaju nga kokëfortësia dhe mendjemadhësia.

Bëhu i durueshëm me arritjen e diturisë dhe mësoji të tjerët, sepse më i miri është ai që kërkon diturinë dhe i mëson të tjerët.

Bëhu gjithnjë i pari në vepra të mira për të cilat do të shpërblehesh dhe do të arrish shpërblimin e të gjithë atyre, të cilët marrin shembull në ty

Bëhu bujar dhe ruaju nga koprracia, sepse Allahu xh.sh. është bujar dhe i do dorëdhënësit

Ndaje nga ajo që të është më e dashur: “Nuk do t’ia arrini qëllimit derisa të mos ndani nga ajo që u është e dashur” (Imran -92).

Ushqej dhe u jep ujë të tjerëve dhe mos nënçmo asgjë nga veprat e mira (sado që të duken ato të pavlefshme).

Bëhu me zemër të pastërt. Mos i merr lakmi askujt dhe mos përbuz askend.

Bëhu i sinqertë dhe largohu nga gënjeshtra. Gënjeshtra është një ndër gabimet më të mëdha.

Mos u beto në askë, përveq në Allahun xh.sh. , dhe mos u beto shpesh pa marrë parasysh se je i sinqertë.

Askë mos e nënqmo, sepse ndërmjet njerëzve nuk ka dallim përveç frikës së Zotit, kurse gjendja e vërtetë e çështjeve është sipas asaj se si përfundojnë ato.

Mos shko te falltoret dhe magjistarët (sehirxhinjët) dhe mos beso në dekleratat – dëshmitë e tyre, që të mos dështojnë të gjitha veprat që i ke bërë.