Serbi - Aktpadi ndaj ish-pjesëtarëve të UÇK-së


Prokuroria e Serbisë ka ngritur aktpadi kundër 17 ish-pjesëtarëve të Ushtrisë Çlirimtare të Kosovës, të cilët akuzohen për vrasje, përdhunim dhe tortura të civilëve serbë. Prokurorët pretendojnë se të dyshuarit kanë kryer akte mizore në qytetin e Gjilanit në Kosovën lindore pas luftës së viteve 1998-1999. Nëntë prej tyre u arrestuan në dhjetor në rajonin e Luginës së Preshevës, ndërsa tetë të tjerët janë akuzuar në mungesë.