Tiranë, 24 janar - Në një seancë të jashtëzakonshme Parlamenti i Shqipërisë, pa opozitëm, ka votuar ngritjen e një komisioni hetimor për demonstratën e 21 janarit. Në këtë seancë, të thirrur nga pozita kanë munguar deputetët e Partisë Socialiste. Me 73 vota pro është miratuar ngritja e Komisionit hetimor, i cili në thelb do të ketë hetimin e ngjarjes tragjike të 21 janarit, në të cilën vdiqën 3 persona dhe u plagosën mbi 60 të tjerë. Ngritja e Komisionit hetimor u njoftua më herët nga kryeministri Sali Berisha, gjatë mbledhjes së qeverisë, ku ndër të tjera akuzoi kryesocialistin Edi Rama se kishte paguar prostetuesit për demonstratën. Por akuzat e kryeministrit Berisha janë mohuar nga kryesocialisti, i cili gjatë një konference deklaroi se asgjë nuk do t’i ndalë socialistët drejt misionit të tyre dhe se dhuna nuk është pjesë e kësaj force politike. Kryesocialisti hodhi poshtë akuzat e bëra se kërkon të sjellë në vend vitin 1997, duke thënë se kjo gjë është propagandë për t’i larguar qytetarët nga rruga e shpresës.