Mitrovicë, 24 janar - Demokracia në Veprim, në një konferencë shtypi, të mbajtur sot në orët e para pas mesnatës, ka thënë se Partia Demokratike e Kosovës ka shënuar fitore në rivotimin e së dielës në Mitrovicë me 47.18% të votave, LDK-ja ka marrë 22.69 %, Vetëvendosje 11.55 %, AAK 6.32%, Aleanca Kosova e Re 6.04 % dhe FER me 6.04 % të votave. Ndërsa, 4.48% të votave kane marrë partitë tjera pjesëmarrëse në rivotim.

Rrjeti i organizatave joqeveritare, Demokracia në Veprim, ka komunikuar rezultatet preliminare të zgjedhjeve parlamentare në nivel vendi duke përfshirë edhe zgjedhjet e 12 dhjetorit dhe procesin e rivotimit të 9 dhe 23 janarit. Sipas rezultateve të Demokracisë në Veprim, PDK në nivel vendi ka marrë 30.85% të votave, LDK 26.37%, Vetëvendosje 13.30%, AAK 10.51%, AKR 8.02, FER 2.63, LDD 2.20...

Demokracia në Veprim ka bërë të ditur se këto janë rezultatet nga 90% e votave të numëruara në nivel vendi – po ku nuk përfshihen votat me kusht.
Pas zgjedhjeve të 12 dhjetorit të vitit të kaluar - para së të vendosej për rivotim në Skenderaj, Drenas, Deçan, përsëritjes së pjesshme të votimeve në Malishevë dhe Lipjan, dhe përsëritjes së zgjedhjeve në Mitrovicë – KQZ kishte dalë me këto rezultate: PDK 33.5 %, LDK 23.6 %, Vetëvendosje 12.2 %, AAK 10.8 %, AKR 7.1 %, LDD 3.3 % dhe FER 2.2 %.