Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Besarti dhe Xhensila nuk e fshehin me lidhjen Wed Feb 09, 2011 6:54 am | |
|  Pas publikimit të klipit “Katunari gangsta”, Besart Kallaku, i njohur si Gjini i “Portokalli”-së, vendos të shfaqet hapur me vajzën, që është komentuar të jetë e dashura e tij. Bëhet fjalë për këngëtaren e zbuluar tek “Ethet”, Xhensila Myrtezaj, me të cilën Besi shoqërohet vazhdimisht dhe që tashmë, siç e shihni nuk fshehin më asgjë, ndërsa kanë vendosur të publikojnë në Facebook dhe foto të dy bashkë. Aktori 25-vjeçar nga Fushë-Kruja ka arritur një sukses të madh me rolet e tij të shumta, duke marrë një popullaritet të shpejtë në publik. Nuk dihet se ku janë njohur dy artistët me njëri-tjetrin, ndërkohë që vajza simpatike nga Tirana, ka qenë konkurrente e edicionit të katërt të “Etheve”, ku binte në sy jo vetëm për zërin, por edhe për sharmin e saj. Tashmë ata do i bashkojë dhe muzika, pasi Besi sapo ka provuar eksperiencën e tij të parë, me një bashkëpunim plot humor me kantautorin Stine, i cili ka shkruar këngën e tij. Ndërsa Xhensila pasi mori pjesë në “Top Fest”, u bë me e njohur me klipin e këngës së saj “A më do”. Lidhja e Besartit me Xhensilën është ruajtur në fshehtësi dhe larg syve të medias. Aktori Besart Kallaku është shumë i kujdesshëm për ta ruajtur jetën e tij private nga komentet mediatike. Për momentin i duhet të shijojë suksesin e klipit të tij të parë, që patjetër do të pasohet nga të tjera klipe, duke hyrë kështu në tregun muzikor me një stil të ri të muzikës me humor. Vetëm në ditët e para të publikimit kënga “Katunari gangsta” regjistroi 140.000 shikues në youtube, duke e klasifikuar kështu në vendin e katërt për “Most views today”, në gjininë komedi.
|
|
