Nga 24,5 milionë milionerë në botë, që paraqet 0,5 për qind të popullsisë globale,, madje 41 për qind ose 9,9 milionë janë amerikanë, ka bërë të ditur instituti hulumtues “Credit Suisse”.

Në vendin e dytë është Japonia, ku jetojnë dhjetë për qind e numrit të përgjithshëm të milionerëve botëror, ndërsa në të tretin Franca me nëntë për qind.

Sipas të dhënave të institutit, pasuria e përgjithshme e 24,5 milionë milionerëve në botë kah mesi i vitit të kaluar ishte 69,2 bilionë dollarë, ndërsa numri më i madh i tyre ka poseduar ndërmjet 10 dhe 50 milionë dollarë.

“Vlerësoj se në Kinë ka 800.000 njerëz që posedojnë pasuri ndërmjet 10 dhe 50 milionë dollarë, që paraqet 3,3 për qind të numrit të përgjithshëm të milionerëve në botë”, kanë thënë zyrtarë të “Credit Suisse”.

Bëhet fjalë për njerëz “me peshë” mbi 50 milionë dollarë, në mesin e të cilëve ka edhe prej atyre me mbi pesë miliardë dollarë, ndërsa të tillë në botë janë vetëm një mijë. Numri më i madh i këtyre milionerëve janë, po ashtu, nga SHBA-të.

Aktualisht amerikanët mesatarë disponojnë me pasuri prej 236.000 dollarë, prej të cilave rreth 200.000 janë aksione ose letra me vlerë, si dhe rreth 100.000 në pronë reale, sikur janë patundshmëritë.

Pos amerikanëve, njerëzit më të pasur në votë janë zviceranët, norvegjezët, australianët, banorët e Singaporit dhe francezët.

Tema bartet tek kuriozitetet