Do të lirohen edhe gjysma e të burgosurve në Guantanamo

SHBA-ja do të lirojë më shumë se gjysmën e 200 të burgosurve që kanë mbetur nga burgu i Guantanamos.
Kështu bëri të ditur ministri i Mbrojtjes Robert Gates para Senatit në Washington.

Gates nuk bëri të ditur nëse të burgosurit do të kthehen në vendet e tyre dhe nëse ata i pret ndonjë proces gjyqësor. Po ashtu ai nuk bëri të ditur edhe planin kohor për lirimin e tyre.

Gates theksoi edhe një herë se presidenti Barack Obama do t'i mbajë premtimet e veta për të mbyllur Guantanamon sa më parë.

Kur Obama mori postin e tij si president, në këtë kamp ishin edhe 242 të burgosur.
Disa prej tyre janë liruar dhe janë kthyer në vendlindjet e tyre, ndërsa të tjerët në vende të treta.

Rreth 40 deri 60 të burgosur do të dalin para gjykatave ku duhet të përgjigjen ndaj akuzave për terrorizëm.

shoqatarealiteti.net