Washington – Një dokument i brendshëm i Agjencisë Sekrete amerikane zbuloi se incidenti i hyrjes së paautorizuar në Shtëpinë e Bardhë gjatë një mbrëmje zyrtare muajin e kaluar, ishte vetëm njëri nga 91 lëshimet e sigurimit nga viti 1980.
Tarek dhe Miakela Salah nuk ishin në listën e të ftuarve më 24 nëntor dhe nuk i kishte kontrolluar sigurimi gjatë hyrjes në Shtëpinë e Bardhë. Ata arritën të hyjnë, të shtrëngojnë duart me presidentin amerikan Barack Obama dhe të fotografohen me zëvendëspresidentin Joseph Baiden. Gjatë dëshmisë së dhënë në Kongres javën e kaluar, drejtori i agjencisë sekrete Mark Saliven, deklaroi se atë mbrëmje nuk kishte sigurim të protokolleve të zakonshme.
Pas atij incidenti, tre pjesëtarë të sigurimit u shkarkuan nga puna.
Zëdhënësi i agjencisë sekrete Ed Donovan deklaroi se në vitin 2003 janë miratuar rregulla të reja si pjesë e trajnimeve të anëtarëve të sigurisë në mënyrë që të shmangen gabimet.