[You must be registered and logged in to see this image.]

Londër- Një shqiptar 56 vjeçar është arrestuar në Londër para shtëpisë së ish- kryeministrit Toni Bler. Shqiptari Kujtim Nurka 56 vjeç nga Wemblei në veriperëndim të Londrës u kap të hënën para banesës së ish- kryeministrit në Connaught Street, në qendër të Londrës, me një pistoletë me silenciator të mbushur. Policia metropolitane britanike njoftoi lajmin për gjithë mediat britanike. Nurka u paraqit menjëherë para një gjykate, ku do te qëndrojë në burg deri sa të dalë në gjyq më 12 shkurt, ne gjykatën Suthuark Kroun Court.
Ne fakt policia e arrestoi Nurken fillimisht për mungesë të dokumenteve të qarkullimit rrugor. Pas 25 minutash një person i afrohet policisë dhe i dorëzon një pistoletë të mbushur. Personi deklaroi se e gjeti armen të hedhur në anë të rrugës. Policia menjëherë lidhi dy ngjarjet dhe zbuloi se pistoleta i përkiste personit që ishte arrestuar për shkelje të rregullave te qarkullimit.
Në fakt asnjë kërcenim nuk ka patur per jeten e Toni Blerit nga ky incident. Por policia ka dhënë alarmin dhe ka vënë në dijeni menjehere trupin diplomatik qe pergjigjet per sigurinë e ish-kryeministrit.
Tashmë Nurka është në polici dhe akuzohet për armëmbajtje pa leje.
Nuk dihen ende arsyet se pse ndodhej para apartamentit të Bler shqiptari. Bler e ka blerë këtë apartament që kushton 3.5 milionë paundë, në vitin 2004 para se ai te largohej nga Dowining Street. Është hera e dytë që një shqiptar arrestohet para të njëjtës shtëpi të Toni Blerit.
Një tjetër ngjarje e ngjashme ka ndodhur më 2007, kur shqiptari i quajtur Kujtim Spahiu 33 vjeç ka hapur zjarr në parkimin para shtëpisë së ish kryeministrit. Spahiu u përlesh me disa shqiptarë të tjerë në një klub në këtë rrugë dhe si pasojë një person , shqiptari Prel Marku dhe dy të tjerë u plagosën. Spahiu tashmë është i burgosur me 33 vjet burg në Britaninë e Madhe. Por edhe ky akt nuk u konsiderua si kërcënim direkt për jetën e Toni Blerit.