Ish kryeministri i Britanisë së Madhe Toni Bler me një fjalim iu drejtua deputetëve të Kuvendit të Kosovës. Ai me këtë rast ka thënë se pas shpalljes së pavarësisë, Kosova tani duhet të vendos për natyrën e saj si shtet, për kufinjt dhe ekonominë ....


Kosova e ka të ardhmen evropiane dhe sipas tij në Bashkimin Evropian askush nuk mund të futet lehtë, sepse standardet e vëna duhet plotësohen.

Ish kryeministri britanik gjatë qëndrimit të tij në vendin tonë, me një fjal rasti iu është drejtuar qyetarëve para Teatrit Kombëtar. Ai me këtë rast tha se në Kosovë është bërë ajo që është dashur të bëhet. Bler tha se nuk është penduar as atëherë, e as tash që ka përkrahur intevenimin e NATO-s në Kosovë.

”Ju keni luftuar shumë për të krijuar shtetin e Kosovës, por tani para jush shtrihet një betejë tjetër, ajo është beteja e paqës”, tha ai

Me këtë rast në shehin “Nëna Terezë” në Prishtinë kishin dal me qindra qyetarë, të cilët në duar mbanin flamuj të Kosovës dhe Britanisë së Madhe, për të nderuar mikun e Kosovës.

Ndërkaq Universiteti i Prishtinës e ka nderuar me çmimin “Doktor Honoris Causa”, ish kryeministrin britanik, Toni Bler. Me këtë rast Bler tha se 11 vjet më parë Kosova përballej me sfidat e luftës, ndërsa 11 vjet me pas përballet me sfidat e paqes. Gjithashtu, ish kryeministri britanik u nderua edhe me një mirënjohje nga Universiteti i Prishtinës, për kontributin e tij në të gjitha sferat e jetës.

Bler tha me këtë rast se Britania e Madhe do të jetë përkrah Kosovës në rrugën e saj të shtetndërtimit. Ndërkaq zëvendëskryeministri Hajredin Kuqi, pasi shpalosi biografinë e ish kryeministrit Toni Bler, tha se Britania e Madhe dhe Bler janë përkrahësit dhe miqtë më të mëdhenj të Republikës së Kosovës dhe qytetarëve të saj. Më këtë rast ,ish kryeministri britanik u nderua edhe me një mirënjohje nga Universiteti i Prishtinës, për kontributin e tij në të gjitha sferat e jetës