Louisiana – Në një ankand në shtetin federal amerikan Louisiana, Tesha McKinley ka blerë një pikturë të mbuluar nga pluhuri për një shumë prej dy dollarësh, për t’u konstatuar më pas se ajo mban në duar me gjasë një vepër të piktorit të madh Pablo Picasso.
Edhe pse në pikturë shihet qartë nënshkrimi i autorit, Tesha thotë se as në fund të mendjes nuk do t’i shkonte se bëhet fjalë për një vepër origjinale, ndërsa tregon se pikturën e ka blerë vetëm pasi e kishin tërhequr ngjyrat e ndezura.
Kur e dërgoi pikturën në shtëpi, fëmijët ia tërhoqën vëmendjen për inicialet e piktorit dhe kështu ajo filloi të hulumtojë në Internet, për të kuptuar se një pikturë e tillë e Picassos dikur ishte vjedhur. McKinley kështu hasi në një artikull gazetaresk nga Zvicra, në të cilin thuhet se pikturës moti i janë humbur të gjitha gjurmët dhe prandaj thirri FBI-në. Ish-pronarja e pikturës nuk mund të besojë çfarë ka bërë, ndërsa ajo e reja pret që FBI-ja t’ia kthejë pikturë, e cila do të mund të kapte një çmim disa miliona dollarësh.