Këngëtarja Adelina Ismajli duket se nuk është e adhuruara e këngëtarëve, së paku e atyre që kanë marrë pjesë në festivalin “Kënga Magjike 2009″
Ajo është vlerësuar me zero pikë nga 12 këngëtarë të këtij festivali dhe të gjitha performancat e saj, të cilat për hir të së vërtetës lanë “pa fjalë” publikun, duket se nuk kanë pasur të njëjtin efekt për këngëtarët. Ende nuk dihet se si ka qenë vlerësimi i këngëtarëve kosovarë për Adelinën, thuhet se as ata nuk i kanë dhënë asaj votat maksimale. Pavarësisht kësaj, ende nuk ka ndonjë reagim të Adelinës në lidhje me këtë. Para festivalit kishte pasur thashetheme se ajo është fituesja e këtij festivali dhe se gjithçka ishte përcaktuar qysh më parë. E ashtuquajtura pop-mbretëresha shqiptare e kohëve të fundit nëpër media, ka hedhur edhe një spot të ri, i cili është realizuar në një diskotekë në Zvicër. Tani ajo është në përgatitje të një albumi të ri, ndërkaq disa këngë të reja të saj pritet tëtransmetohen në programet kosovare të Vitit të Ri