Gjatë punës me kompjuter mund të vini në situata që profili i juaj i përdoruesit mund të korruptohet. Nëse e keni këtë problem, mund ta zgjidhni thjeshtë nëse i përcillni hapat vijues.
Çështja e parë që duhet të provoni është të bëni një SYSTEM RESTORE (shq. Kthimi i sistemit). Nuk do ta humbisni ndonjë punë të cilën e keni redaktuar përmes Word-it apo Excel-it. Thjesht e ktheni kompjuterin tuaj në kohën e para disa ditëve për ta zgjidhur problemin.
Startoni kompjuterin tuaj në SAFE MODE. Për ta bërë këtë fikeni kompjuterin tuaj dhe me startimin e ri, menjëherë filloni të shtypni tastin F8 i cili tast gjendet në pjesën funksionale të tastierës, pra në pjesën e sipërme të saj. Shtypeni atë tast çdo sekond përderisa të lajmërohet një ekran me pamje të DOS-it ku gjendet edhe opsioni SAFE MODE. Ndoshta edhe do të pyeteni se cilin sistem operativ doni ta startoni. Zakonisht në të shumtën e rasteve paraqitet vetëm një sistem operativ. Vetëm shtypeni tastin ENTER. Kur të pyeteni për login zgjidheni llogarinë e administruesit.
Tani kur të shihni një kuti dialogu e cila paraqitet në mes të ekranit ju vetëm zgjidhni NO. Ky do të filloj për juve procesin kthyes (ang. restore process). Kur të filloj procesi kthyes duhet ta zgjedhni opsionin RESTORE MY COMPUTER TO AN EARLIER TIME dhe të klikoni Next. Tani zgjidhni datën me ngjyrë të theksuar në kalendar dhe zgjidhni next, zgjidhni next edhe një here.
Tani kompjuteri kthen veten në një kohë të mëparme. Kjo gjithsesi se do ta rregulloj profilin e korruptuar të përdoruesit në 90% të rasteve.
Nëse kjo nuk ka funksionuar, atëherë duhet të veproni si në vijim për të krijuar një profil të ri dhe për ti kopjuar azhurnimet nga profili i vjetër në të riun.
Ndoshta do t’ju duhet që të kyqeni si administrues në SAFE MODE.
KRIJONI NJË PROFIL TË RI TË PËRDORUESIT NË WINDOWS XP
1. Kyçuni si administrues apo përdorues me të drejta të administruesit.
2. Zgjidhni butonin START dhe klikoni në CONTROL PANEL
3. Kliko USER ACCOUNTS
4. Zgjidhni CREATE A NEW ACCOUNT. Ndoshta së pari do t’ju duhet të zgjidhni pick a task...
5. Shkruani emrin e ri të llogarisë
6. Klikoni create account dhe sigurohu që është një llogari e administruesit (ang. admin account).
KOPJONI SKEDARËT NË PROFILIN E RI TË PËRDORUESIT
1. Kyçuni si përdorues tjetër nga ai të cilit doni t’ia kopjoni skedarët.
2. Në Windows Explorer, kliko Tools pastaj Folder Options, klikoni në faqen View, kliko Show hidden files and folders, klikoni për të pastruar shenjën e tikut në Hide protected operating system files dhe pastaj klikoni në OK.
3. Pozicionohuni tek folderi C:\Documents and Settings\Emri i vjetër i përdoruesit, ku C është disku ku ju keni instaluar Windows XP dhe Emri i vjetër i përdoruesit është emri i profilit prej të cilit dëshironi të kopjoni të dhënat.
4. Mbajeni të shtypur tastin CTRL përderisa jeni duke klikuar në çdo skedarë dhe nëndosje brenda kësaj dosje, përpos skedarëve vijues: Ntuser.dat, Ntuser.dat.log, Ntuser.ini
5. Në menynë Edit, klikoni Copy.
6. Pozicionohuni tek folderi C:\Documents and Settings\Emri i ri i përdoruesit, ku C është disku ku ju keni instaluar Windows XP dhe Emri i ri i përdoruesit është emri i profilit të përdoruesit që ju keni krijuar tek seksioni "Create a New User Profile".
7. Në menynë Edit, klikoni Paste.
8. Çlajmërohuni nga kompjuteri përmes procedurës Log off dhe pastaj lajmërohuni si përdorues i ri përmes butonit log on.
