Sipas babait të këngëtares britanike Amy Winehouse, albumi i ri i kësaj të fundit pritet të lansohet pak para krishtlindjeve, por ka pranuar se vajzës së tij po i merr kohë albumi i ri.
Mitch Winehouse thotë se albumi i ri, që pason atë nga viti 2006, “Back to Black”, është duke u përpunuar ndërsa ai do të lansohet pak para krishtlindjeve.

“Unë i kam dëgjuar disa këngë. Asaj po i merr kohë krijimi i albumit. Ajo shkruan nga përvojat e saja personale dhe në shumicën prej tyre përvojat më të këqija, ky është problemi. Secili album është sikur t’ia presësh dorën apo këmbën, ato janë aq të zeza”.

“Nuk do të doja që ajo të krijonte albume shpesh, për shkak të dhimbjes. Unë nuk mund ta dëgjoj albumin ‘Back to Black’, për arsye se aty paraqiteshin gjërat që e preknin, disa prej të cilave ishin të zeza. Kush e dëshiron një vajzë të tillë?”, deklaroi Mitch babai i Amy Winehouse.