Wyclef Jean ka lutur miqtë e tij, Angelina Jolie dhe Brad Pitt, që të adoptojnë një fëmijë nga Haiti, në mënyrë që të ndihmojnë vendin e tij, të prekur nga tërmeti në janar.
Reperi u ka bërë thirrje miqve të tij, të cilët kanë tre fëmijë të adoptuar dhe tre fëmijë biologjikë, që të adoptojnë një fëmijë pa kurrfarë mbështetje pas tërmetit të Haitit.

“Brad dhe Angelina, ju lutem! Ju lutem adoptoni një fëmijë nga Haiti! Unë kam aq shumë miq të famshëm, të cilët e kanë mbështetur këtë iniciativë dhe të cilët vazhdojnë ta mbështesin atë. Puna jonë është t’u ndihmojmë këtyre fëmijëve të vegjël, për t’i dhënë një rast. Nëse ua japim atyre edhe një rast, atëherë ata do të kenë një të nesërme më të mirë”, tha Jean.