Ylli i Hollywoodit, Gemma Arterton, thotë se familja e saj nuk i pëlqen filmat që ajo realizon.
Aktorja, britanike, e cila luajti rolin e Io në filmin e fundit “Clash of the Titans”, thotë se ajo pëlqen faktin se familja e saj nuk ka frikë të jetë e sinqertë me të, edhe nëse ata kanë opinion negativ për punën e saj.

“Unë vij nga një familje e klasës punëtore. Ata thonë, ‘Ne do të jemi të drejtpërdrejtë me ty’, dhe kjo është lehtësuese. Nëna ime më shkroi së fundi, ‘Sapo e pash Clash of the Titans. Po. Është i mirë’. Pastaj kushëriri im më shkroi në email, ‘Sapo e pash Clash of the Titans, nuk është një film shumë i mirë, po efektet janë të mira’,”, ka thënë aktorja.