Për të dytin vit radhazi Tirana është pushtuar nga ritmet e muzikës rok. Në kuadër të festivali “Rock in Tirana”, dje të shtunën në mbrëmje admiruesit e kësaj muzike do të patën mundësi të ndjekin nga afër personalitete të kësaj rryme, të shoqëruar nga këngëtarja e njohur shqiptare Besa Kokëdhima.
Në stadiumin "Qemal Stafa" Besa ka interpretuar këngën "In Trance" me Uli Jon Roth, kitaristin e "Scorpions". Kombinimi perfekt i zërit të Besës dhe tingujve të kitarës së Uli Jon Roth, e gjitha kjo live, kanë ngritur në këmbë publikun e kryeqytetit, i cili ka pushtuar stadiumin "Qemal Stafa".

Uli Jon Roth është një nga kompozitorët më të suksesshëm gjermanë. Arriti kulmin me "Scorpions" (1973-1978), ku realizoi pesë albume, ndërsa janë të shumta performancet e tij në të gjithë botën. Ai është një multi-instrumentalist, ndërsa suksesi i tij muzikor ka vazhduar dhe mbërriti në një performancë live edhe në Tiranë.

Ndërsa në datën 8 Qershor, Besa do të jetë mbështetëse e "One Republic", i cili në Shqipëri është bërë i njohur me këngën "To late to apologise" dhe "Planet Funk" grupit që do të vijë në Tiranë përmes hiteve si "Chase the Sun", "Inside all the people", "Who Said", "The SWitch" në një program live që është menduar të zgjasë rreth një orë, në Stadiumin "Qemal Stafa". /