Aktorja Tori Spelling thotë se ajo gjithmonë mendon se burri i saj e tradhton.
Ish-ylli i serisë “Beverly Hills 90210”, e cila u takua me burrin e saj Dean McDermott kur ai ishte i martuar me dikë tjetër, thotë se ajo bëhet xheloze dhe paranoike kurdo që ndonjë femër telefonon në shtëpinë e tyre.

“Ne jemi një çift që dashurohemi, por jemi njerëz dhe përfundimisht nuk jemi të përkryer. Nëse e shohim historinë tonë, shpesh shqetësohem se Dean do të më tradhtojë. Nëse bie telefoni dhe është një zë vajze, gjithmonë e pyes nëse ka ndonjë aferë”.

“Dean kurrë nuk ka qenë ndryshe përveçse i përkushtuar, dhe ai ma përsërit këtë gjithmonë se kurrë nuk do ta bëjë këtë. Thellë në mua e besoj. Por nuk mund ta ndaloj veten”, ka thënë aktorja.